筆華棋

在美國某大學修讀完經濟學回港,穿梭於各大時裝雜誌網站擔任編輯。喜歡「老點」人買,亦喜歡寫,最喜歡狗。著作【七宗罪】。

精選提要
在美國某大學修讀完經濟學回港,穿梭於各大時裝雜誌網站擔任編輯。喜歡「老點」人買,亦喜歡寫,最喜歡狗。著作【七宗罪】。
精選提要
在美國某大學修讀完經濟學回港,穿梭於各大時裝雜誌網站擔任編輯。喜歡「老點」人買,亦喜歡寫,最喜歡狗。著作【七宗罪】。

「一世人流流長,總會有一、兩個機會嘅。」阿思這句話我一直也放在心中。

……

身穿Lanvin西裝的我滿心歡喜,打算告訴爸好消息時,工人Cora一開門,爸爸站在大廳中間,面色好比東寶墨汁麵。「笑笑笑,着成咁又見唔成工啦,啱啱先屌緊你雪櫃啲維他奶,每次買親都六排,飲完一排又買第二排,長期都霸住雪櫃成行,搞到我支sake都放唔落,你做人唔好咁自私得唔得呀,你已經無工返!」中氣十足的他跟我打招呼。

忍了多時的怨氣終於爆出來:「邊個話無!今日請咗我啦,financial planner、AIA、大公司,聽過未?」

「Financial planner……同保險佬有咩分別,咪又係叫人買人壽,得閒坤人去買fund,叫好過倫敦金少少,俾咁多錢你讀書,連呢啲common sense都無?日日群埋嗰班垃圾,工又唔揾,成班二世祖!Ken 哥,我拜託你啦,我無 expect 過你養我同阿媽,你唔使屋企錢我已經好開心,但係你乜都唔做就係廢人一個!成鳩日淨係識飲維他奶,唔係叫工人去買,就係用我張自動增值八達通,你連一包維他奶幾錢都未知呀,食米唔知米貴,你講呀,你講得出我乜都得!」

「我……」

是咁的,小弟叫Ken Lun,本身姓倫,倫永亮個倫,可是英文拼音是「Lun」,所以朋友都稱我為「Ken撚」。同很多人一樣,我都有阿爸阿媽生,於英國讀過幾年書,學校叫 City University,亦即香港城大英文名,不過兩者絕無關係。以前每逢有人問到我在哪讀書,我答「City」,他們也會說:「城市大學?幾好呀。」自此,但凡遇上同一問題,我也先答英國,然後才說City,不過也總會有幾個懵撚明知是英國仍會以為是城大。沒辦法,生活於香港這個地方,每天被家人、同事、朋友屌,語無倫次,是很正常的。

畢業之後,除了一份很短暫的會計師樓工,之後差不多半年也找不到工作做,這半年我幾乎甚麼工也報過。最初上jobsDB,去Banking/Finance一項看:Analyst、Management Trainee、Account Service、Financial Planner,甚麼也亂send CV去。Financial Planner,名字動聽,結果那是我唯一一份見過的工。當日去到AIA總部,一坐下,貌似鄭子誠的manager就很努力地強調客源方面的好處:每日會派一個客,還會assign一些很久沒有聯絡過的客給新人們,聽起來好像不用單靠親戚朋友或自己狂打電話,又幾有計。他們當場就聘請了我,薪金不多,但至少也是一份工,爸應該會安慰吧,我心想……

(第一回完)

Share On
Dislike
1

發表評論