財政預算案將於明日公佈,聽講政府盈餘可能有9百億。庫房水浸,大家當然最關心「派糖」有冇自己份。上次講左有收入(月入萬四上下)既人有咩著數,今次就到冇穩定收入,但對香港發展貢獻良多的長者。

 

<請按上圖看新聞片段>

 

 

長者

  • 綜援雙糧
  • 高齡津貼(生果金)雙糧
  • 傷殘津貼雙糧
  • 長者生活津貼雙糧
  • 取消電費補貼

 

大家都好希望捕獲嘅發哥周潤發幾日前接受蘋果日報訪問時曾說:「宜家政府畀長者同合資格嘅殘疾人士乘搭公共交通公具時,只需畀兩蚊,我希望政府可以連呢兩蚊都唔使收,咁就係鼓勵佢哋肯多落社區,融入社會啦!唔好睇少呢兩蚊,好多老人家都會肉赤呢兩蚊。」

 

其實這個兩蚊乘車優惠推行至今兩年多,每日平均受惠人次大約72萬,當中約63萬為長者,其餘則為合資格的殘疾人士,可以港幣$2乘搭大部分港鐵路線、巴士及渡輪。每年都只不過花約6億公帑,就算3月將優惠擴展到大部分綠色小巴,都不過花多幾億。

 

財政司司長曾俊華明言未來10年港府或面對結構性赤字,面對人口老化,包括興建醫院要用近千億元,以及應付基建開支等,故有必要未雨綢繆,表明不會盡派盈餘。但庫房水浸有900億盈餘,財爺不妨考慮發哥建議,全數資助本地既長者同殘疾人士搭車。

 

*注意:消息未必準確,確實措施以明日(2月25日)公布財政預算案為準,請繼續留意謎米預算案系列!

Share On
Dislike
0

發表評論