精選提要
《人在中環》博客CK
精選提要
《人在中環》博客CK

我係個商人,我其實係好現實的。即使我現實到,冇興趣講甚麼公義、甚麼普世價值諸如此類,但我還是銅臭地對「揾食」這問題好有興趣的。

認識一位比我年長近三十年的商人朋友,他說現在既香港人唔現實,總係吵吵鬧鬧自怨自艾。英國佬統治既時間其實都係冇民主,所以我哋有乜好嘈?呢個argument,真係聽過無限咁多次,然而英治時代既香港其實都係冇民主的,我絕對冇異議。「喂,又係你話唔好咁政治嘅?」我同我呢個前輩講:「你自已又兜返去呢啲政治議題?撩交嗌?」

我問佢,其實你係九七前賺錢易啲,還是九七後賺得多啲丫?呢樣冇得呃人的。佢自己知,肯定係九七前好揾啲。

九七前賺錢容易,因為香港響亞洲地區仲係好強勢。九七之後,香港既軟實力急速下滑,隨之而來的,其實係好多生意都變得難做咗。過去十幾年軟實力減弱,係邊個嘅責任?係英國佬「埋下地雷」?抑或又係班八九十後嘅後生仔?(果陣班後生仔仲讀緊書咋喎。)

主權回歸,香港成為中國城市。究竟國策係點樣將香港呢個城市定位?以前香港軟實力強,因為佢有自己獨特既文化,香港商人眼中既市場亦唔單一,所做出嚟既產品,目標係世界各地。今天既香港,要刻意將自身既文化減弱去融入大陸,商業活動所服務嘅對像亦嚴重向單一國度傾斜。以前香港雖然係殖民地,但人人自信十足;現在做香港人,首先要接受別人跟你說:「如果冇我地照顧,你們香港早就完旦」的邏輯。沒有了自信、市場單一、文化減弱,軟實力可以變成怎麼樣?

作為一個商人,這方面我是異常悲觀的。香港這個城市,九七年之前,多少代表著歐美勢力和價值在亞太區的展現,那個時候的香港,軟實力強的話對宗主國有利。主權回歸之後,香港的軟實力,對中國的統治有益處嗎?如果我是一個政權的執行者,我大概會恨不得你們收得越細越好,自信心越低,越方便管治。

這,其實是關乎「揾食」的。

(標題為編輯所擬。)

作者Facebook

Share On
Dislike
0

發表評論