昨日清晨,警方在龍和道武力清場,當中有45人被捕。Leo To是其中一人,事後他在面書簡述清場和被捕經過,以第一身視角分享感受和所見所聞。

Leo To:
其實感受良多,簡短講:

1. 基本上差佬係以捉人為主,在場好多人都係圍觀被從後偷襲被捕,完全唔係清場mindset

2. 差佬為「持平」,只會睇TVB

3. 被捕者基本上全部有傷,而我傾過嘅人之中基本係無人反抗。甚至有唔關事路過喺好遠嘅都俾人拉咗。有更多係俾差佬專登整跌隨身物品,想執返時被捕。

4. 我覺得差佬好似無plan過要拉人咁,去到上環差館唔收,結果去咗黃竹坑仲要等佢慢慢call人set場

5. 整個警隊基本上可以用「層層遞狗」嚟形容。因為你會見到一堆好無助嘅PC仔幫你填完arrest form之後唔走得陪你吽天光而完全無嘢做

6. 班細路好驚青,我呢啲以前俾人拉過盤過嘅反而覺得好輕鬆。順帶一提個legal team呢個時候完全幫到班細路忙,我心諗如果以前有人咁幫我就好喇。

7. 落完口供,同班西九反黑傾計(係呀班差佬而家無人用到任何人都要幫手),你會覺得其實成個警隊都憎政府,但佢地會覺得「咁你仲想點吖個個政府都衰㗎啦」然後放棄諗其他任何嘢。我覺得班人其實已經無撚得救,唔好再同情佢地。

8. 當然我覺得班差佬有心玩嘢拖時間,但同時亦覺得佢哋亂到飛起。

9. TVB影到嗰條友,望真人堅傷,而佢一直都好攰咁嘅樣。

10. 又係同反黑吹水,佢話我個樣真係好似黑社會,難怪我一直都不停會被龜逗

攝影:Andrea Lam
編輯:大曹
 

Share On
Dislike
0

發表評論