陳沖

社會民主主義傾向、喜歡文字創作。夢想成為體育評述員。希望生活愉快而穩定。

今個星期真係幾鬱悶,先係愛隊輸波,之後歐聯又有英超三隊輸1:2(車仔獨贏),仲有球場超不幸斷腳事件,希望曼聯既盧基梳爾早日康復,唔好灰心家陣好多球員都有類似經歷,其中好似藍斯出番嚟,勁過以前添!加油!

 

話說我自少到大都極端憎恨曼聯,我都唔知原因,學睇波既年代,曼聯仲未惡晒,仲係踢緊11個(你明既…),仲係笠臣做隊長既年代。講唔出原因,總之就憎喇……雖然係咁,但係我仍然會為盧基梳爾傷心,基於佢係一個足球員,場外佢係一個人、有家人朋友,任何人受傷都應該一視同仁。但係就係有啲人好無品,反曼聯反到上腦,我話之你支持邊隊都好,當知道梳爾中招,竟然係facebook度講鏟得好之類。就個人立場去睇,我絕對、絕對反感,呢種人應該要鄙視、大力譴責佢哋先得!無品球迷不值得尊重,因為佢哋本身從來都無尊重過其他人!

 

記得年初車仔作客去巴黎打歐聯,有球迷喺地鐵用種族歧視既字眼侮辱其他乘客。最後車仔就將有關球迷作出懲罰:終身禁足史丹福橋球場。當然種類歧視同球員受傷叫好既無品程度好唔同,但係對無品既人你會點做,當然就係要鬧爆佢哋喇!

 

講返紐記,上一輪輸俾槌仔幫,突顯出麥卡倫對陣容既使用度、現場調度不足既缺點。同時陣式上跟大隊排4231既執拗,我無佢手提號碼,真係提唔到佢咁多……不過我覺得,都係打咗五場波啫,有啲嘢係急唔嚟,咁快判佢死刑,就太快喇係唔係?我對勝利球迷都好反感㗎!

 

涉種族歧視「車迷」被罰禁入球場http://news.now.com/mobile/sports/player?newsId=sp12972913078

Share On
Dislike
0

發表評論