尋日朝早人行行長周小川在官方網站撰文,話今年要推出「深港通」,點知人行午後就修改有關文章,話原來係翻煲五月二十七日的過期講話。

 

如此「蝦碌」舉動,難免令人懷疑有人借周小川的舊文搵快錢。深港通是利好消息,但一直未有落實日期,將周的過期講話翻煲定能令股市滾多兩滾。的確,港股一個早上狂抽700點,未卜先知的必大有斬獲也。

 

文章刊登在人行的官網,不是普通網上傳聞。若以上的陰謀論成立,搵快錢的人也真夠明目張膽!「全球最透明」的中國股市,又暴力救市又「誤傳」消息,深不可測,唔通呢樣就係所謂超越香港嘅「競爭力」?將呢一套有中國特色的金融制度搬到香港來,香港股民炒股真係要因住滾瀉。

Share On
Dislike
0

發表評論