人力資源管理顧問公司ECA International公布調查結果,預期明年平均加薪幅度為4.5%,同過去4年差唔多,其中金融業最高達5%。不過,扣除預期的3%通脹後,實際加幅只有1.5%,全亞洲排尾三。即係話,大家預咗生活質素只會輕微改善。

 

與此同時,據聞特首會兌現競選承諾,響明年施政報告中提出取消強積金「對沖」機制。所謂「對沖」機制,係指僱主可以用僱主供款部份來支付長期服務金或遣散費。呢個建議聽落好好吖!不過咁,即使僱主有良心,競爭之下不少中小企老闆都只係賺返份糧。要佢哋將來俾長期服務金或遣散費之餘,又繼續供5%強積金得咩? 一個做法,係將產品加價,叫消費者「分享」一下負擔。另一個更簡單的應對方法,係僱主明年加薪加少啲甚至凍薪,將取消對沖嘅影響轉嫁到僱員身上。比如話,原本預期加薪幅度4.5%,要僱主多供5%咁就凍薪算啦。

 

通脹之下,打工仔唯有希望啲強積金啲基金經理生生性性食水唔好咁深。

Share On
Dislike
0

發表評論