又到一年一度審計署大爆料,翻出政府各部門的糊塗賬。今年的主角,係名符其實嘅大嘥鬼:環境局。

原來環境局計回收率,係連入口後加工的再用物料,都當做香港的循環再用物料,高估香港的回收率。到2012年,環境局發覺有唔妥,就花咗150萬聘請顧問研究計算方法有冇問題,足夠大嘥鬼交12500個月電費。

根據顧問的建議,2014年初統計處與海關開始向出口商索取額外資料,用嚟區分廢料來源是本地產生抑或是從海外進口。不過,據有線新聞報導,新做法實施以來,出口商睬你有味,一直申報冇從海外進口廢料。

即係話,搞咗幾年,環境局都係唔知再用物料邊度做,而家索性唔分開公佈廢物入口出口數字。要評估政府在減少本地都市固體廢物產生量方面的成效,暫時都係靠估。

油價大跌,做新的物料相比循環再用平咗,回收業面臨「寒冬」,唔使用150萬請顧問,靠估都估到回收率會再創新低!

Share On
Dislike
0
環境局     謎米金融經濟     今日米路     大嘥鬼

發表評論