Uber昨夜宣布今日起平價UberX正式為港人服務:車款冇咁豪華,但只$10起錶,每公里$6 (每分鐘$1) ,最低消費 $30。UberBlack一向以質素見稱,今次Uber嘅新攪作以價錢吸引乘客,勢必再一次觸動的士業界既利益者的神經。

小編仲記得4個月前左右,差人先大鑼大鼓以涉嫌「協助及教唆非法駕駛汽車作出租或取酬載客用途」及「協助及教唆駕駛汽車時無第三者保險」拘捕Uber司機及Uber職員,8位被捕人士各准以大拿拿20萬元保釋外出。但之後呢?好似一直未聽見律政司話提出檢控。有印象嘅係,袁國強司長8月中時話過:「Uber方面,警方採取行動前,確實就採取行動中涉及的一些法律問題,要求律政司提供意見。我們亦就相關問題提供了意見。至於是否檢控,仍要待警方向我們提供進一步資料。因為他們的行動才剛完結,會再向我們提供行動中搜集到的證據,我們會根據證據,再作出是否需要檢控的決定,現階段仍未作決定。」

事隔差不多4個月了,律政司究竟決定成點呢?係咪驚輸官司冇面兼搞到Uber正式合法經營?定係根本唔夠料落charge呢?高調拉人之後遲遲唔告,可能係今時今曰香港地「法治精神」嘅新常態。但有實力、有諗頭嘅生意人一於少理,見你靠嚇咁款我就捲土重來,仲要玩大佢。差人之前拉過一次,但只拉唔告要再拉就實在難以服眾。

小編依家希望袁司長快啲病好,然後向公眾交待究竟Uber告定唔告?唔好阻住香港人搵食。

Share On
Dislike
0
uber     今日米路     UberX

發表評論