政務司司長林鄭月娥昨日參加大埔社企項目「水陸墟」,為全港最大5D地畫當收筆主禮嘉賓。政府新聞處其後在Facebook專頁上載照片,被網民瘋狂「洗版」,狠批政府的大白象等基建工程害死所有海豚。

 

林鄭月娥昨日到大埔「水陸墟」,為「同心同埔全城畫全港最大5D地畫收筆禮暨綜藝嘉年華」任主禮嘉賓。該畫由20位青年藝術家及逾200名青少年、新來港人士、少數族裔同婦女合力而成。政府新聞處的Facebook專頁更上載照片,林鄭月娥在畫上擺post影相,腳踩畫中海豚鼻尖,笑得非常燦爛。此文一出,網民瘋狂「洗版」,狠批政府的基建工程令在香港生活海豚面臨絕種,「中華白海豚俾你哋啲工程搞死哂啦,仲好意思攞佢哋嚟做宣傳?」

 

而香港海豚保育學會的Facebook專頁亦分享此帖,直指這是「公關災難」,稱「想做番件好事,就立刻為左保護白海豚而放棄三跑工程啦!」香港海豚保育學會續批評指,政府不單止不斷填海趕絕白海豚,更有政府高層想借牠們表演娛賓,直言「仲嫌佢地唔夠慘?」。政府新聞處的Facebook專頁惹來大批網民留言,「整死哂d真海豚,再畫d假的自欺欺人,難為你林鄭仲笑得出仲咁興奮。」、「日日夜夜話發展大嶼山趕絕白海豚,呢頭就畫啲海豚出黎話香港有呀!?還是呢啲就係機管局專家口中工程完成會返黎嘅海豚!?」、「畫幾多海豚都冇用啦!起港珠澳大橋害死咁多海豚唔夠,仲要整多條冇用既三跑!林鄭你呢個英國人肯定係滅絕中華白海豚既兇手!」,更有網民嘲諷把銅鑼灣書店5名被失蹤人士畫下,「港珠澳大橋工程整死咁多中華白海豚,仲唔知醜畫出嚟做騷,真係人無恥則無敵。唔爭在畫埋銅鑼灣書店5個被失蹤嘅人啦!」

Share On
Dislike
0
林鄭月娥     中華白海豚     海豚     大白象工程     趕盡殺絕     5D地畫

發表評論