昨日政務司司長林鄭月娥出席大埔「水陸墟」的地畫收筆禮,民建聯周浩鼎亦同樣有份出席。他其後在Facebook專頁上載類似的照片,亦被網民瘋狂「洗版」留言批評他,「撐三跑、撐港珠澳大橋,啲中華白海豚就係比啲基建項目殺死,民建聯就踩住中華白海豚嘅屍體黎上位,荒死人唔知,仲要親身示範,洗唔洗咁聰明呀?」

 

周浩鼎在Facebook上載照片,他踩著海豚畫拍照留念,並留言道:「日日拉布行歪路,香港停滯不前。香港幾時可以再起飛呀?拉布肯定唔係香港既跑道,講完。」

 

其後網民留言批評因建制派投下贊成票令大白象工程害死中華白海豚,「你諗住三跑加港珠澳大橋整死晒啲中華白海豚就搵呢啲畫黎補數呀?」、「起三跑,漠視環評,棄檢討現時跑道效率,一心只為商人起大個機場收租。到時起到無錢,又問阿公,又話當初做乜唔早啲批。西面無晒啲海洋特色,就係東面個地下畫啊畫。個個都當左去海洋劇場,頂下騎下開心下。嗰個就官到無求膽自大,你呢?新界東做乜要選你?」、「香港政府搞死白海豚,就畫番啲畫當保育?咁嘅白痴政府統治下仲配合佢等如推香港去死無異!」

 

此外,亦有網民針對周在Facebook的留言,狠批香港現時停滯不前不是因為議會拉布,而是因建制派不斷為政府護航,「香港走歪路,是因為特區政府不顧民生,倒行逆施,而民建聯處處護航,令特區政府更有恃無恐。而梁振英只懂利用民建聯,用完即棄,令民建聯有辱無榮,民建聯卻仍蠢到為梁振英賣命!香港要走正路,全港市民齊心合力踢走民建聯!」、「一日有你們這班顛倒是非黑白嘅X街保皇黨,香港想行正路談何容易。」

Share On
Dislike
0
民建聯     中華白海豚     海豚     周浩鼎     水陸墟     顛倒是非     行歪路

發表評論