精選提要
作者為香港專上學生聯會(學聯)秘書長
精選提要
作者為香港專上學生聯會(學聯)秘書長

梁粉蟲硬銷「普教中」固然可惡,但其實另外一個語言教育狀況同樣令我擔憂--非英語母語家長放棄以廣東話教育子女,要求子女以英語作為第一語言。事先講明,我認為多學外語對學生有利,但如果係因為學外語而放棄學習本土語言,就係捨本逐末、自廢武功。

 

有次搭地鐵都會見到一對父母帶住細路仔出街,大人用廣東話傾計,對住細路就用唔咸唔淡、甚至奇怪到離晒大譜既英文傾計,細路仔希望用廣東話同爸爸媽媽傾計仲會俾佢地阻止。我明白,父母望子成龍,想佢由細開始習慣英語環境,但係我諗個細路仔明明見到爸爸媽媽用廣東話溝通但自己又唔俾講,真係會頭都大埋。放棄本土語言不單止等於放棄自己既「根」,仲未必會令佢真係學得更好既英文--尤其是當爸爸媽媽英文都唔好既時候。首先掌握、精通一種語言,永遠係有利小朋友學習,如果佢係廣東話環境中成長但又故意阻止佢學習,只會令佢兩頭唔到岸。

 

所以,你平日講咩語言,就教個細路仔講咩語言啦。好似我咁,其實爸爸媽媽有佢地既「鄉下話」,但係香港就係講廣東話,我由細到大都係講廣東話。學唔學其他語言係其次,但係學好廣東話就係必需。怪獸家長,唔係話你出發點唔好,而係講啲做左好心做蠢事又唔認既人,害左個小朋友。

 

原文取自作者FB

 

Share On
Dislike
0
羅冠聰     廣東話     粵語     普通話

發表評論