遵理導師比人話同學生搞外遇,事件有新進展。先前有話老師同學生流出既對話Cap圖係假既。但係尋晚高登有個Post 貼左條Youtube Link,片入面影住一個電話螢幕,用家開同Oscar Ma既對話紀錄出黎,跟住再Click 入Oscar Ma個User Name,真係同而家Oscar Ma 用緊既Facebook Account 一模一樣!證明左D 網上流傳既對話Cap圖係真既!o趙完鬆已經夠衰嫁啦,o趙完仲要唔認,真係要引用返經典片段對話「咩野叫人面獸心?我就係呢種啦!」黎形容佢呀。

 

Youtube 片段以《真係最後 只係想證明返我冇講大話》作為標題,發佈日期為2016年5月9日。由於Oscar Ma 本身有女朋友,事件中個女仔係第三者。喺個敘述度個女仔度都自認犯賤,片段入面個女仔好多次同Oscar Ma 講好鍾意佢,但好多次都係藍Tick 睇完就算,覆都唔覆。

 

「我認我犯賤 但至少我無講大話
講大話個個唔係我 而係佢 唔好再繼續俾佢呃
咁都可以屈我造假既話 我真係無野好講」

 

謎米編輯睇見都真係覺得好賤,話說個女仔重要係第一次添,咁就比左個賤男啦,真係好慘。

 

遵理另一位導師Kelvin Lau先前喺Oscar Ma 個Facebook 度幫佢講過好說話,今日喺Facebook 度就即刻認衰仔,話自己「見到有Oscar與女生whatsapp對話相,已經覺得唔對路,但後來又有人話個女生改圖,我實在不知誰對誰錯,所以我當晚決定先把留言delete」,更加為高清片流出,為自己既誤判同失言道歉。

 

而遵理校方就成立委員會調查相關事件,委員會有高登CEO林祖舜、香港中文大學全球研究課程講師陳偉信、愛訊通集團(ATG)有限公司創立人趙志洋太平紳士。而Oscar Ma 即日起停課,直至調查完結,另行公布為止。

 

Share On
Dislike
0
遵理     外遇‬     第三者     Oscar Ma     外遇     o趙完鬆

發表評論