渾水

財經傳媒人。錯生紙醉金迷時代的偽文青,淪為俗人,炒股為生。閒來拆解常人少理的政治財金佈局為樂。文中見於《蘋果日報》、《新報》和多個網媒

自入行以來,「對數」係一個經常聽到的字詞。「對數」最貼近的字面解釋係錢銀交收,最好的對數方式當然係現金做交收,因為明買明賣。有時大家合作搞單刁,又或者合作搞一個項目,數目太大又或者錢銀周轉上的不方便,通常都會有唔同的交收方式。


例如,可以用一架車做交收,例如50萬元的佣金對做一架50萬元的Benz。


至於最搵笨的交收方式,莫過於用股票做交收媒介,例如50萬元的佣金,對成50萬元的股票。這是非常搵笨,因為股票價值可以一日跌九成,個價根本講唔準;又或者當時個股價係托出來,剛好又遇着老闆想出貨,那就變相做埋接貨人。


因為最近我被誤打誤撞要去處理一個大project,既出錢,又出人,加出力,搞吓搞已經花了差不多過萬元。


這個project是非常技術性,我是一個金融通才,但也只能掌握當中技術的五成左右。尤幸朋友不少,剛好我有一位小師弟能非常專業處理這個project,係top tier那種專業程度,所以渾水就拉了他入局,一起淌這渾水。不過,小師弟社會經驗唔夠,開始遇上「對數」問題,要求一些合理回報。大體上,他的開支是由我出,不過,由於佢太專業,遠不止這個數,所以他的要求也是非常合理,這也是我要煩惱的事。因為我帶佢入局,自然要幫大家有個最好安排。
 
這個project可以衍生很多人脈網絡機會,接觸到小師弟眼中比較頂層的人。我覺得如果純用錢把功勞付出去對數對清光,那也無不可,老闆也願意俾錢的,但合作關係就變成one-off一刀切。不過,這有點可惜,以及會把自己的定位定得太低。


因為在老闆心目中,你會有個「價」,而這個「價」會成為佢量度小師弟的標準。正如我所講,小師弟是非常專業,佢要打造一個定位,就係「幫佢係賣人情,對錢唔志在」,咁就會把自己定位高級點。如果用人情去對數,人情債最難還,而且小師弟很好彩,識到我,太唔合理的回報,我會代佢爭取。正如我所講,佢係人才,我也愛才。


講到「對數」,我自己都有一番體會。因為我曾經「瀬過大鑊」,幾乎因為錢而反目,尤幸各位朋友高人幫手擺平。因為金融圈老闆除了女之外,也喜歡跟人才打交道,甚至最好用錢養住,作某程度上的收編。我們這一個年紀,有一些細錢要被硬食住,去到咁上下時間,總會有機會對得番,因為我都算係一個人才。

 


作者為兼職上市公司ED(Executive Director),正職係90後廢青、偽文青

作者FB PAGE:渾水

Share On
Dislike
0
渾水     人才     對數

發表評論