話說蕭若元同曾鈺成尋日返聖保羅書院舊生論壇演講,談及本港民意分化的情況,蕭若元在演講最後段提及一個能解決北京、本港財團以及泛民支持者分歧的政體,竟然獲曾鈺成大讚「如果攞黎做政綱特首選舉,包保贏梗」,究竟蕭生講左咩?

 

演講主題環繞香港兩極分化問題,蕭生表示,如果民意兩邊分別都覺得對方係「邪惡既」就係達到社會兩極分化既情況,兩邊的人都近乎以宗教式既思維相信自己係正確既,「例如藍絲持有既中國民族主義,隨便問人係咪漢奸」。佢指呢種近乎宗教式思維既人士,寧願社會撕裂,都不願與對方在一起。

 

而這種撕裂亦散播至全世界,原因係思潮上像鐘擺隨時間的改變、新自由主義和全球一體化、人口結構改變和身份認同危機所導致的,台灣與本港的分離主義亦是例子。

 

蕭生寄語要解決社會撕裂就要人了解到「呢個世界無咩價值係絕對」既道理,亦舉例指技術上亦可以「聰明地」解決北京、本港財團以及泛民支持者分歧,「特首選舉方法照北京要求,而特首淨係負責國家安全,如果財團驚洗錢洗得太多既話,將功能組別抽成上議院,如果要加稅或支出超越GDP增長既話就要上議院通過,其他野下議院可以凌駕上議院,下議院咪可以由最大黨執政囉」。

 

曾鈺成講話就指對蕭生上面個建議「最有興趣」,指果套野北京、財團、泛民支持者都能夠滿意,「攞黎做政綱,包保贏梗(特首選舉)呀!」。佢都同意蕭生指香港現時兩極分化、各走極端,又話呢樣唔係香港既出路。佢都話聖保羅精神,只要唔好將不同意見者妖魔化,就係一國兩制既出路。

 

Share On
Dislike
0
蕭若元     曾鈺成     特首選舉     兩極分化     聖保羅書院

發表評論