311補選餘波未了,今日民協副主席、深水埗區議員楊彧今早在facebook上載一段錄音,指是有居民傳給他,內容大致是有人稱於311補選投民建聨2號候選人,可登記人數,之後民建聯會再送禮物給他,認為有賄選之嫌,「情況非常嚴重!」

 

該段錄音長約1分鐘,內容大致是:「早晨呀,上次你媽有冇申請福袋呀?咁呢佢地仲話今次投票,你媽過唔過去佢地民建聯,到時今個星期日3月11號呀,投唔投二號呀。投二號呢,佢話到時幫你登記,你去唔去投呀,睇下到時有幾多個人。即係呢到時佢地下次有咩內部送呢,再送俾你地囉。咁一個人就一份,你睇下幾多個人。假如你去投呢,你就發你邊個名,同埋你可以寫一棟樓有幾多人嘅名,到時我幫你登記囉,我轉去發俾個同學仔媽咪,咁就唔該晒你」。

楊彧在帖內表示,「根據法例,任何候選人透過利益酬謝選民投票,實屬舞弊行為,便會觸犯《選舉(舞弊及非法行為)條例》第12條。若選民接受利益是作為投票予該候選人的報酬,亦會違反上述條例,阿彧向大家呼籲,切勿受利益引誘,捍衛廉潔選舉!」之後他接受傳媒查詢,指正諮詢意見,或會向廉政公署舉報事件。

而民建聯鄭泳舜則回覆傳媒,稱「在整個參選過程中,我和競選團隊均遵守選舉法例。競選活動方面,是依照法例要求進行。」

 

錄音全文:
https://www.facebook.com/hoilai.yuk/videos/1871895559550602/?t=42

Share On
Dislike
0
西九     立法會     補選     311     姚松炎     民建聯     賄選     鄭泳舜

發表評論