相信最近好多話題都圍繞讓唔讓坐比老人家依個問題,甚至有人話依家時下既年輕人見到老人家都唔讓坐,只係顧住望手機或者其他電子產品,更加稱呼佢地為「廢青」,到底事實係點樣?我地又係咪真係可以透過一張相又或者一段片就知道事實既真相,事實既全部?

 


香港現時拍片又或上網既文化愈來愈普遍,係街到可能只係遇到一啲事件,好自然就會拎起手機去影相同拍片,就以上圖為例,網上既人只會一直話個班年青人唔讓坐,話佢地廢青。但其實大家又有冇諗過班年青人可能有問過個老人家需唔需要坐,又或者有啲老人家唔希望上車落車腳軟而唔想坐?有時候我知道我地係要為左人啲唔公平既事去平反,甚至有人覺得要將個個人既惡行公諸於世,由網民黎批評。但又有冇人諗過到底放片又或者放相既人係咪已經清楚成件事既事發經過?如果換轉相或片中既人自己會唔會希望自己成為當中既主角?

 

其實依幾年我慢慢發覺香港人經常post上網既都只係批評其他人既惡行,相反欣賞人既事幾乎都比較少,或者因為香港生活壓力太大而令到大家睇香港既事只有負面?放鬆啲啦香港人,有時候批評人既時候先了解清楚件事既來龍去脈。你會發現雖然依家社會發生好多唔同既問題,但如果事件既主角係你,又會唔會希望你做錯既事比其他人係網上批評?

 

其實每個人都係人,有時都需要空間需要一個落台階,錯係要改,但接受既責罰同埋面對既壓力係咪要全香港既網民一齊去批評?與其只係一直影相拍片批評人地既不是,不如睇下有冇一啲事係值得讚賞同鼓勵,現金社會問題係好多,但如果學識欣賞同鼓勵,我相信香港負面既價值觀一定會有所改變。

Share On
Dislike
3
長者     糖妹Queenie     讓座

發表評論