eDDe

人格分裂AB人。曾為號外、AV雙周、Respect Music、HIM等等專欄執筆,亦為Gotrip.hk星級用戶。著作包括:《粉女救兵》

情情愛愛總會離離合合,分開了有人會嚎哭、有人發癲、有人會不知自愛、亦都有人會採取更激烈行為。唉﹗問世間情為何物,激烈行為分分鐘會上A1,當然無人想去到這個田地,但偏偏年中有很情變斬人新聞…丫…講開又講,覺不覺得TB 情變特別容易斬人?

 

 

話說近期我看到一個網上女性論壇,見到有人出post講自己剛跟一位TB有感覺,有些想試下發展,想問問各位絲打意見,當然識睇當然係睇留言。「好丫,有feel就試下啦!」、「愛情無分貴賤既,加油!」當我一直花生中又欣喜見到不少正面的留言時,突然驚見「TB他們很恐怖,拍拖那時還好,分手就變得好麻煩!」對不起,請問那一種的戀情,在拍拖的時候不是甜甜蜜蜜的?任何人失戀分手都有機會情緒失控架啦﹗好了再來一個留言「千萬不要跟TB拍拖,因為分左手佢地會斬人!」我當堂以為自己睇緊明明社個論壇。失戀有幾傷心,我相信不用多講,失戀後情緒波動更加不會是TB朋友的專利,試問你身邊朋友失戀時有那一個是正正常常的?哦﹗男人失戀又唔痴線,女人失戀又唔痴線,就只有那些你形容為有反生物理論的TB失戀就會痴X線。

 

更有絲打講:「我之前都同過TB拍拖啊,佢分手就痴咗線架啦﹗」講到過來人一樣,但其實有那一個深愛過後不是傷心得肝腸寸斷?痴咗線的意思是什麼?是苦苦痴纏經已沒意思?是樓下企一萬分鐘?還是第一千天未曾洗澡?仲要睇分手原因呢?如果係閣下出去偷食,我諗無論你身邊是男是女一樣會想斬人…點解要一定要TB呢?可能你會覺得TB心理較唔正常,所以思想偏激,可能你會覺得TB比較難搵伴侶所以一分手就想咬著不放。但問心,本人於新聞上「癡心男怒斬花心女」、「痴戀十年男友火燒女家」等等見得多,男人包二奶導致家庭慘劇見得多,「TB 斬人」真的未見過。

 

 

當我看完所有留言後,我只回應該兩位小姐「師姐,唔好吹得就吹啦…」


 

eDDe Facebook Page:http://www.facebook.com/QSEDDE

 


 

Share On
Dislike
0
lgbt     斬人     eDDe     TB

發表評論