相信大家最近都會聽到好多關於小西灣街市裝潢後變成一個比較新式化嘅街市。仲好記得自己之前住小西灣嘅時候,經常都會同工人姐姐去街市買餸,因為自己好中意煮野食,好希望有一日自己會識得係街市買餸煮,買到最好嘅野比自己鍾意嘅人同屋企人食。

 

係大概四五年前,小西灣街市比我感覺印象都幾深刻。雖然好多人話街市地方唔乾淨,但我依然覺得街市菜嘅香,魚味嘅鮮依然令我難以忘記。只可惜好多野無論係人或事或地方,都會慢慢因時間年代而去改變,小西灣街市都唔例外。

 

由於小西灣街市有2個出口,所以我就由海鮮嘅入口進入街市。從前嘅雜貨舖已經改成一檔檔嘅海鮮檔,就連剁一條龍躉嘅過程都有一個講員係街市用廣播同你講解。

 

身為一個新式街市購物車當然唔小得啦,有購物車嘅好處就係公公婆婆去街市買餸都唔使拎野拎得咁辛苦,但有購物車之後我就慢慢覺得依個街市已經唔再係我以前懷念嘅街市。

 

 

當然變左新式街市之後好多野都變,食物種類都會變得愈來愈多,甚至唔同國家嘅食物都可以係依個街市搵到。

 

當然新式街市比人感覺好多野變得好新鮮同高級,因為燈光嘅效果令生果變得更新鮮,甚至比錢嘅方法,已經可以方便到用八達通,用八達通嘅同時商戶又會用儲分方式去吸引客人。就連買雞都可以透過電視去選擇一隻岩你心水嘅新鮮雞。

 

 

 

無論係人定地方定物件都會因為時間而進步,但不同嘅進步會唔會因此而令人忘記個樣野嘅原貌?社會有改變有進步係好,但又會唔會忘記當初簡單的美好。

 

gallery
Share On
Dislike
0

發表評論