以為7月鬼節已過就唔使驚?咪天真,唔好忘記仲有個萬聖節等住你。一向以「嚇死你」為宗旨嘅海洋公園,喺揭幕禮上首度播放由羅蘭姐同家英哥嘅玩味廣告,廣告一句「光加熱就等於火,羅家英就等於我。」已經令在場傳媒笑到拍爛手掌,羅蘭姐更來個大反串,扮演Michael Jackson跳Moon Walk,務求笑到你碌地。

 

 

逃出陰屍路
驚嚇指數:★★★★★

 

今年將會有8間鬼屋等緊你,而樂園一早已預告今年會同Fox International Channels 合作,將劇集The Walking Dead經典場景搬到鬼屋「逃出陰屍路」。場內每個角落都有恐怖斬人喪屍周圍遊走,以追殺你為目標,陰深嘅場地突然彈出喪屍,都咪話唔驚。

 

 

H15
驚嚇指數:★★★★★

 

小編最期待都係「H15」限定靈堂鬼屋!先係大堂影張車頭相,跟住就要訓係靈床上面,由仵作佬親手將你推入靈堂,等你可以親身經歷屬於自己嘅「頭七」同整個火化過程,務求嚇你唔死都要你驚死.....
*留意番* 要入「H15」鬼屋係需要預約,你可9月25日下午12點上樂園網頁登記,想玩就要留意啦!

 

 

魔偶凶靈工坊
驚嚇指數:★★★★☆

 

鬼屋故事講述年老木匠為免死後無人照顧患病愛妻,將玩偶公仔加施法術,點知最後慘被邪靈上身變做殺人妖怪,入到去勁多個木偶人係幽暗環境瞪實你,而且入面仲有唔少80年代嘅玩具木偶,老實講,小編玩完之後,驚到即刻想拋哂屋企啲Barbie出街。

 

 

 

 

gallery
Share On
Dislike
0
海洋公園     謎米生活     萬聖節

發表評論