每當大台舉辦港男選舉,就可以見到班「肉食女」面對住啲肌肉男有幾咁喉擒,好似十年未食過飯咁,個個一擁而上,為嘅只係博摸佢個心口一下。但小編真係覺得好唔抵!次次可以享有呢種「福利」嘅都係一班大台女星,咁我哋呢啲星斗市民仔呢?有冇諗過其實我哋都好想偶然抗奮一下?唔緊要!而家機會啦!

 

於日本就有人睇中肌肉市場,創立肌肉集團「マッチョ29」,並陸續開咗好多唔同種類嘅業務,好似係肌肉男咖啡廳、夏季限定肌肉男刨冰,最近又係惠比壽嘅「焼肉おおにし」燒肉店,推出了全新活動「肌肉男燒肉屋(マチョ肉屋)」!

今次期間限定嘅肌肉男燒肉屋(マチョ肉屋)活動即日開始到11月9日,一入門口就會即時見到班赤裸上身嘅陽光猛男熱情接待。

 

 

呢到除咗有肉睇,仲有得食!因為呢間燒肉店「焼肉おおにし」本身係一間評價好高嘅人氣店,所以店內嘅燒肉全部都有品質保證!

 

鐘意嘅仲可以啤啤佢,連生雞蛋飲品都有得買!

客人仲可以係鐘意嘅肌肉上貼上貼紙,攞正牌抽水!

 

係時間去開餐啦,保證可以盡情滿足你嘅「獸性」!

【INFO】マチョ肉屋
限定期間:即日起至11月9日
營業時間:11AM-3PM
地址:JR恵比寿駅 西口 徒歩1分

gallery
Share On
Dislike
0
日本     港男     謎米生活     期間限定     肌肉

發表評論