政府將於明年底推出「預設投資策略」(Default Investment Strategy,簡稱DIS),基金每年收費規管於上限0.75%,冇作出選擇的僱員,供款就會自動放到DIS。DIS有「核心累積基金」及「65歲後基金」兩種,按年齡增長而降低投資風險,愈老買愈少股票、愈多債券。

 

多一個收費低的選擇,無疑係德政,但0.75%上限管理費呢個設定令小編感到疑惑:點解積金局使盡九牛二虎之力,揼哂所有受託人心口,先將管理費降到0.75%以下?市面上的ETF(exchange-traded fund),都係買指數,收費可以低過0.2%;美國好幾隻大指數基金,收費甚至低過0.1%。點解香港強積金收費依然咁貴?

 

問題,是否出自強積金制度之上?為處理積金局的各種要求,受託人要額外聘請會計師、律師應付,部份成本當然就會以管理費形式轉嫁俾大家啦。積金局好想收費低,但點搞都好,打工仔始終視強積金為強姦金,情況會唔會好似「周處除三害」的故事咁,原來最大既敵人反而係積金局自己呢?

Share On
Dislike
0

發表評論