前晚世界盃外圍賽,根據Skybet賠率,中國隊勝出只有1.28倍,比起上次中國主場對香港嘅1.1倍略高,但讓球盤開出-1.5球,證明「大莊」仍一面倒看好中國嬴波;但香港再次守和中國隊,除左中國隊表現不濟以及運氣使然,香港隊觀眾落力打氣加上士氣搭夠,亦係贏出關鍵──呢啲無形動力亦係遠在海外的操盤手難以預料嘅因素。

 

被睇死的underdog爭一口氣的故事從來感人,難怪尋日球場爆滿;足球亦扯上中港矛盾的政治,香港隊令中國隊出線機會渺茫,令唔少香港人高興。

 

一場球賽,帶旺了旺角場附近的食肆,唔少有波睇的酒吧食店亦因而多做生意;梁振英曾講過「體育對經濟沒有任何貢獻」,編輯部希望佢真係重新思考一下自己係咪失言。

 

不過,我哋要面對現實,呢個支持香港足球的熱潮只係短暫的。熱潮過後,一切回後原狀,球場附近的食肆唔會因為呢排興旺而改變經營方式,球場附近的舖位亦唔會因此更加價錢;更唔會因此多咗人場場買飛出錢出力支持本地足球。觀乎歐洲以至亞洲足球聯賽都可以帶黎龐大收入、振興社區發展,歡呼過後似乎又要番去原點:點解外國得,香港唔得?

Share On
Dislike
0
足球     今日米路     港中大戰     賠率

發表評論