預咗有人出嚟啪晒雞血咁款,但究竟有冇認真study過而家個議會個玩法改成點?

 

拉布已經去到ver3.0啦!好心你地班友update下個firmware 啦!

 

而家已經唔係講發言發幾多,係睇你燒到幾多時間。你發一次言,最多15分鐘,我點一次人已經喺度、點兩次已係double,如點到流會,個成果更係以日嚟計!

 

尤其老鼠曾已講明,發言拉布有得剪,點人拉布無得剪。

 

如果呢鋪要屌五條友唔發言、講到佢地累街坊咁,正所謂大話怕計數,就計下呢五個人一旦發言,會拖到幾多時間:

 

我當個個都講足15分鐘,唔係馮檢基嗰d講唔足15分鐘陰你一鑊嗰隻,

「5人 X 15分鐘 = 75分鐘」

 

當五個都嗌一次點人(實際你信單雞會嗌點人嗎?但「點人幫」有時唔止嗌一次,拉勻當5個一人一次啦)

「5人 X 14分鐘 = 60分鐘」

 

加埋都係得135分鐘,即係發埋言拖盡都只係兩小時15分鐘。

唔好唔記得,聽日都仲有會的,亦即係話,今個星期如無意外都係過到二讀。

(今個星期建制吹雞吹得好齊,唔駛諗流會)

 

如果你班友真係咁結果論嘅話,咁請留意究竟邊個一次點人都無做、噏完15分鐘,燒得嗰15分鐘就收工?

亦留意下喺財委會港珠澳大橋單野度,邊個去咗台灣,搞到葉國謙中止待續偷襲得手?

 

記住呀!要玩結果論,就要一視同仁哦!

Share On
Dislike
0
立法會     陳志全     人民力量     網絡23條     拉布     陳偉業     梁國雄     長毛

發表評論