已轉營藝術工作的前藝人葉蘊儀(Gloria)到茜利妹主持的D100節目《風流快活人》受訪,原來兩人乃校友(澳洲皇家墨爾本理工大學),茜利妹謂:「感覺超夢幻!阿修羅係我師妹!當年Gloria超紅,雖然年紀相若,但係距離好遠,巨星與學生妹,點諗到有機會做校友呢!」葉蘊儀笑著回應:「師姐,我都仲係大家心目中嘅阿修羅呀!呵呵~~」


自認對子女管教嚴

自唸畢「純藝術」碩士後,Gloria已轉營全職藝術工作,幕前工作只屬玩票性質,問到已是青少年的子女會否步其後塵,以藝術為職業,她說:「佢地好似興趣不在此,我個女仲擔心我話:『媽咪,一個屋企有兩個藝術家,得唔得㗎?!』似乎驚餓死!哈哈哈!」雖然放手讓孩子自由發展,但同時又自認管教嚴:「我屋企個電視大部份時間都係睇Discovery Channel或者新聞台,本地電視台真係冇睇咁滯,仔女話同同學冇話題,因為佢地會講本地劇集,我同佢地講:『你地可以同同學分享番Discovery Channel嘅話題,唔一定要佢地主導。』佢地好大個我先俾佢地用手提電話。」又謂:「都想做個榜樣俾兩個小朋友,俾佢地知道,人係要不斷進步、不斷吸收先會成長。」

 

談到當年的閃婚決定,原來與太早出道有關:「當時,突然覺得呢個工作(藝人)唔俾我成長,因為不知不覺間已經大個咗,但係身為所謂『偶像』,就係有個框框,定咗型, 好難跳出來,每個人有不同選擇,當時我選擇結婚進入人生另一個階段,就係咁簡單。」

 

「阿修羅犧牲咗善良」

唸「純藝術」碩士時,Gloria因藝術犧牲了善良,與導師大鬧一場:「當時有一個功課,題目係『女性的身體』,佢(導師)見到我個artwork話:『我唔覺得你呢個係女性嘅身體囉!』我問:『咁點解呢個唔係一個女性嘅身體呢?』(重點係我就係一個女性的身體,而佢係男性),藝術其實好主觀,雙方就係咁拗到面紅面綠,最後,我都費事拗,離開現場,以後唔再同佢講嘢囉-都係一個學期啫。」茜利妹驚嘆:「烈女之煉成!阿修羅犧牲咗善良!」

 

怕對象同愛藝術惹爭執

茜利妹問到其愛情觀:「會唔會想對方都鍾意藝術?」葉蘊儀:「咁我地咪會爭執囉!」茜利妹:「情侶爭執都係日常情趣......」葉蘊儀:「你都可以咁講...... 哈哈哈!」茜利妹:「喂,咪話我大啲,身為師姐唔教精你!情侶爭執真係唔關同field(範疇)事囉唔該!總之有機會拍拖都會有機會爭執囉!」葉蘊儀:「哈哈!都係!所以我寧願搵一個欣賞我作品嘅人(談情)!起碼都講緊相同語言...... 」葉蘊儀自言對於藝術非常執著,但對於愛情倒是十分隨緣。

Share On
Dislike
0
葉蘊儀     茜利妹     風流快活人

發表評論