財委會代主席陳鑑林粗暴「剪布」下,強行通過196億元的高鐵追加撥款申請。工黨何秀蘭承認,事後觀看會議片段,泛民「做得唔夠好」、「反應唔夠快」,認為當時可更進一步,衝出主席台抗議。

當日財委會代主席陳鑑林限制議員發言,公民黨楊岳橋持大聲公發言抗議,而其餘大部分泛民議員只圍住楊,阻止陳驅趕楊出議事廳;惟在表決時只有新同范國威及黃毓民等衝向主席台抗議,惹來批評。

何秀蘭解釋,當時楊岳橋持大聲公發言,是希望在主席「熄咪」後、市民可透過電視聽到泛民要求繼續發言的理據,惟因大聲公聲量太大,令不少泛民議員聽不到代主席陳鑑林宣佈進行表決,「其實唔少建制派亦聽唔到,所以有人贊成同反對皆舉手」。

何又指,不少泛民在建制派舉手後,才知已錯過表決時間,「嗰一下大家都錯愕咗」。她承認當日「做得唔夠好」、「反應唔夠快」,認為日後要做得更有效,「我真係會衝出去,就算我企最後嗰排都好,我都會行出去,要同陳鑑林理論,佢仲未畀我哋提問完畢,佢無呢個權力,佢要遵守議事規則內嘅主席責任,就係畀足夠時間議員提問,無可能即時進行點票。」

Share On
Dislike
0
高鐵     泛民     何秀蘭     剪布     撥款     抗議     表決     陳鑑林

發表評論