王若愚

傳媒、出版工作者。先後於立場各走極端的機構服職。撰有著作數種,包括《中國潮語通識》(2011)、《驚世尋謎 屍人檔案》(2015)。曾為《新報》撰寫「華夏之謎」專欄。

十六年前,黃子華在《拾下拾下拾年棟篤笑》中談及朱咪咪:

「我睇過一個咁樣的電視廣告,你點知道佢會咁樣發生嘅呢?

有個鬼妹響度沖涼,用嘅沐浴露好正,個鬼妹好SEXY,一直係咁沖啊沖,等佢沖完啦佢走出沖涼房,佢變咗朱咪咪!

到底邊個會買一枝咁樣嘅沐浴露呢?I want to be 朱咪咪!?

 

各位,呢個係角度問題,我地憑乜嘢覺得朱咪咪唔及個鬼妹呢?

無論喺事業,無論係才華,甚至家庭,可能朱咪咪都比佢優勝啊!我地唔知架?

人生係好奇妙,乜嘢事都係角度問題。」

 

有樽鹽真好

十六年後,朱咪咪自爆獲大陸歌唱節目《我是歌手》邀請參賽,但一口拒絕:「我不是輸不起,只是不喜歡被叮,還要在14億人面前,顏面何存!我可以喺紅館開騷,飛都賣晒,我係唔紅、唔係好有地位,但我好有尊嚴!」

 

近年每逢社會發生荒唐之事,總有人翻子華的「舊帳」,看哪一句楝篤笑金句可以循環再用切中時弊,好巧不巧又經常「匹配」得到,黃子華的命中率之高,比起算命大師還厲害。不過,先知在本土總是下場堪憂的,祝君好運。

 

子華說得沒錯,朱咪咪豈止事業、才華、家庭都可能比那鬼妹優勝,她的「尊嚴」更可能較不少窩囊至極的港人大勝。泛民多年前一句口號:「有得揀,你至係老闆」,近十八年來,我們非但政治上冇得揀,連生活上的大小環節都越來越「冇得揀」。窮途沒路下,少數人選擇憤而反抗,但更多人選擇「同化」,甚至自我矮化,來換取苟延殘喘的空間。

 

買枝沐浴露

當一個好歹曾奪最受歡迎男歌星的藝人也要向某國人民重新證明「自己是歌手」,教人頓生仿如隔世、今夕何夕之嘆。或許不久將來,港人的所有「資格」一概失效,所有人均要討好「強人」來取得認可,屆時李麗珊要經審核證明她懂得滑浪風帆、ICAC要北上請教何為廉潔、阿媽要北姑教點生仔。

 

但是真的「冇得揀」嗎?朱咪咪告訴大家:其實你有。當然,你大可以說,咪咪姐無須為五斗米折腰,皆因她「好有米」。做人要有腰骨,從來不易。

 

所以我好想買那枝沐浴露。I want to be朱咪咪!

 

王若愚 facebook 專頁:https://www.facebook.com/cynicalidea

Share On
Dislike
0
王若愚     朱咪咪

發表評論