陳沖

社會民主主義傾向、喜歡文字創作。夢想成為體育評述員。希望生活愉快而穩定。

WTA邁阿密公開賽女單四強賽事之一,由一姐"細威"莎蓮娜威廉絲(Serena Williams)迎戰女網界”樂基兒”哈立!

 

八強細威遇上"新嘉芙"利絲姬(Sabine Lisicki)(老老實實嘉芙靚好多…)。細威其實打得都幾辛苦,第一盤險勝7:6,第二盤竟然被利絲姬以1:6回敬一盤。利絲姬其實喺2013年溫布頓贏過細威,今場細威自己唔爭氣,成場比賽第一發球成功率只有45%,仲有51個無壓力犯錯。不過希望贏得自己職業生涯第700勝仗既細威,第三盤調整心態之下打返平日既水準,最終以6:3擊敗利絲姬,一報2013年溫布頓被淘汰之仇!

 

而佢既對手就係人稱網壇"樂基兒"既哈立。哈立最令人印象深刻既未必係佢既球技,反而可能係佢曾經為自己既網球生涯,2010年由34DD縮胸至34C既決定。由"瑤瑤"拆彈變"樂基兒",佢既成績果然有進步(起碼唔使吸引埋啲大叔、痴漢fans先),而家擠身WTA世界排名第三位,亦係邁阿密公開賽女單二號種子。八強哈立遇上史提芬斯(Sloane Stephens)。第一盤哈立輕鬆以6:1先取一盤,第二盤史提芬斯企圖反撲,但最終都係輸5:7俾哈立。

 

另一條線四強賽事,將會由娜華露(Carla Suárez Navarro)對柏高域(Andrea Petković)。

Share On
Dislike
0
網球     邁阿密公開賽     細威

發表評論