何謂頹者,一個人去火鍋,仲唔夠頹嗎?一個人去燒野食,夠頹未?仲未夠?咁等睇下一話,睇下有幾頹(希望仲有下一話啦)。

講到牛肉火鍋,來源係汕頭,食法簡單,只係一個清湯又或一個沙爹湯底,焯熟牛肉後,用沙茶醬佐以食用,但來到香港後,變化可以好大,甚至過火到用中式老火湯做湯底都有, 而家在西環,九龍城部可以食倒較正宗既潮洲食法。

今次我去既,係一汕頭名店,在深圳既分店,開業短短幾個月,已經是深圳人人要去朝聖既店,老實講,裝修絕對普通,香港人可能會卻步。

牛肉方面,香港大部份只有牛頸脊,又有部份只有手切肥牛,但黎到呢度,睇倒餐牌已經頭痛,一大堆不知名既牛肉,唯有亂點幾款啦。

等幾分鐘,鍋底同牛肉就上桌,先發揮香港人,唔蝕底既精神,去攞一大碗沙茶醬,加落湯底,自制沙爹鍋底,慳返好多,呢招值得一試。

鍋底準備好,就開波食野,第一碟係五花趾,供應量有限,每每5-6點已經賣清,每檯只限點一碟,肉質爽口冇渣,油花平均,唔使點任何醬已好鮮味。 再來一碟吊龍伴,呢碟肉質比較林,都唔錯。

食完後,再來多半份牛筋丸,一份三花趾。 牛丸彈得過份,可以用黎打乒乓波,三花趾肉質同五花趾一樣,屬爽口,但油花比五花趾少一點。

一個人食,當然食完就快快手埋單走人啦,假如你有國內既銀行戶口,可以用團購埋單,折後只要101人仔,咁既價,在香港食一碟都唔夠。

 

 

 

 

Share On
Dislike
0
hkt008     火鍋

發表評論