陳沖

社會民主主義傾向、喜歡文字創作。夢想成為體育評述員。希望生活愉快而穩定。

八月八日除咗係台灣爸爸節之外,亦係英超開鑼既日子,一眾英超球迷抖咗幾個月,終於都可以為愛隊狂呼:好波!

 

不過作為紐卡素既球迷,呢種心情要延遲一日到九號主場迎戰修咸頓先可以發洩出嚟!

 

主場作賽對英超中下游既球隊嚟講真係好重要。就以紐卡素為例(真心唔想認愛隊係下游球隊…),上一季主場既比賽總共攞左26分排第13;作客既比賽只有13分排尾二!所以第一場喺聖占士球場既比賽,十分重要!

 

一開波就見修咸頓㩒住紐卡素左路嚟打。左翼奧巴坦同左閘希迪拉都鍾意上腳,奧巴坦右腳踢左邊都仲情有可原,希迪拉每次迎波都要上腳,令到修咸頓喺進攻右路製造唔少機會,最後24分鐘就喺右路憑住既傳中,柏利輕鬆頂入1:0。

 

紐卡素雖然積極反撲,但係攻勢隔靴搔癢搔不著癢處....不過好多時真係好波不如好運!42分鐘,左路希迪拉臨急傳中,但係省中球員令粒波笠過龍門史基倫拿堡,門前柏比斯施斯心口輕鬆撞入1:1!

 

下半場一開波,修咸頓進攻受阻被紐卡素快速反擊,48分鐘奧巴坦右路狂奔,傳中助政由後場跑100米既速度跑上嚟既雲拿當(wijnaldum譯呢個名係跟荷蘭文)頭槌撞入2:1!呢球奧巴坦就講俾大家知--我右腳㗎大佬,為左就施素高而踢左邊真係多餘。左腳球員真係好缺,如果肥佬主席仲想出手…而雲拿當表現對辦之餘,呢球將佢高速同身體對抗性高顯示出嚟。

 

可惜最後後防要輸第兩次空襲,修咸頓憑後備入替既朗治係79分鐘頂入第二個入球,追成2:2。一對中堅既防空能力真係麻麻,雖然臨完場前梅邊巴做返出好戲,向柏利還以顏色快頂免輸第三球,但係佢要適應英超既節奏同身體對抗仲要啲時間。至於隊長高路仙尼,可能啱啱傷癒復出,未係最佳狀態,但係速度不足同站位過前,令到修咸頓既文尼得到唔少甜頭,差啲喺補時搞掂紐卡素。最後兩隊踢成2:2完場。

 

場波有段小插曲,下半場接近63分鐘,安尼達因為一次頂頭槌失敗,落地嗰下腰落地造成受傷,最後要換出。呢場安尼達喺後場協防時間居多,做到中後場聯繫既角色。睇嚟佢傷勢好似唔輕,上季受傷患影響發揮一般,希望今季唔好咁黑仔喇!

 

最後後備入替既新中鋒米杜域,應該仲要催谷一排,適應英超既速度,對抗性不俗、有身型有頭槌,如果仲要買柯士甸個人認為不必要喇,除非你想放棄柏比斯施斯,或者踢442。失望既係施安迪莊太遲入替,對催谷狀態成效唔高,對佢係有期望既………

 

http://www.sportsmole.co.uk/football/premier-league/2014-15/table.html

 

http://m.bbc.com/sport/football/33750572

Share On
Dislike
0

發表評論